المنصات غيرت قواعد اللعبة.. و«الست» أصعب أفلامي (خاص)
أكد الكاتب والسيناريست أحمد مراد أن نجاح مهرجان القاهرة السينمائي يرتبط مباشرة بقدرته على أن يكون أقرب إلى الجمهور، مشيرًا إلى أن دورة هذا العام أظهرت ذلك بوضوح.
وقال في تصريحات لـ”العين الإخبارية” على هامش المهرجان: «كلما أصبح المهرجان أقرب للشعب، كلما حاول الناس تعطيل يومهم علشان يتفرجوا… وده معنى النجاح، وده واضح جدًا في الدورة دي».
وأضاف مراد أن تغيّر الأجيال وظهور المنصات الرقمية جعلا الجمهور لم يعد ينتظر “النجم التقليدي” كما كان يحدث في السابق:«المنصات غيرت قواعد التحريك… والنهارده فيه نجوم صغار في السن بيحققوا أرباح كبيرة جدًا، وده معناه إن الجمهور بدأ يشجع اللعبة الحلوة بغض النظر مين اللي شاطها».
وأشار إلى أن هذا التحول يمنح صناع السينما قدرة أكبر على اكتشاف وجوه جديدة دون الارتهان لنجم واحد:«أنا ومروان مبسوطين إن بقى عندنا القدرة نلاقي نبك أبطال أكتر… والثقافة اللي موجودة دلوقتي في تقبل الفيلم بغض النظر عن بطله هي دي ثقافة المهرجانات».
وأعرب مراد عن أمله في أن تشهد الدورات المقبلة حضورًا جماهيريًا أكبر، قائلاً: «أتمنى الدورة الجاية واللي بعدها يبقى فيها رواج أكبر إن شاء الله».
مشروع صعب
تحدث أحمد مراد بإسهاب عن فيلمه الجديد “الست” الذي يتناول سيرة كوكب الشرق أم كلثوم، مؤكدًا أن العمل يواجه تحديات خاصة، موضحًا: «صعوبته إن كل الناس بتحب أم كلثوم.. وإنه اتعمل عنها أعمال كتير.. فإحنا بنسأل: هنقول إيه زيادة؟».
وأضاف أن الفيلم يضم بطولة نسائية وغناءً كثيفًا، ما يجعل تنفيذه أكثر تعقيدًا: «هو مش زي “الفيل الأزرق”.. مفيهوش جرافيك ولا أكشن.. هو فيلم عن أم كلثوم، وقصة حياتها مش من العهد اللي إحنا عايشين فيه، وبالتالي الديكورات والألوان وخط الزمن أخدوا وقت كبير جدًا».
وكشف مراد أن الفيلم لم يلحق مهرجان القاهرة السينمائي هذا العام بسبب استمرار عمليات ما بعد التصوير: «لو كان خلص كان دخل المهرجان.. بس للأسف لغاية النهارده لسه شغالين عليه.. حظنا الوحش إننا ملحقناش مهرجان القاهرة».
“الفيل الأزرق” يعود بجزء جديد
وأعلن أحمد مراد أن التحضير للجزء الجديد من “الفيل الأزرق” أصبح في مراحله النهائية، قائلاً: «الفيل الأزرق 3 بسيط.. إحنا داخلين نصوره.. وهو خلص كتابة وجهوزية وأبطال».
وكشف أنه للمرة الثالثة يعمل مع النجم كريم عبدالعزيز (يحيى راشد)، قائلاً:«ده بقى عِشرة.. وما بقاش يحيى بتاع الفيلم.. بقى عايش جنبنا».
واختتم مراد حديثه قائلاً: «يا رب إن شاء الله يطلع حاجة حلوة».
aXA6IDQ1LjE0LjIyNS4xMCA= جزيرة ام اند امز
